کۆڵبەر

گەر پێڵاوەکانی ئاوارەییم دۆزینەوە
گەر فرمێسکەکانم
لە هەڵبجە گوڵیان دەرکرد
گەر سەرم
لە شێرناخ هەستایەوە
گەر دەستەکانم
لە کۆبانی قەڕناسیان گرتەوە
گەر قاچەکانم
مانیان لە کۆڵبەری گرت
گەر چاوەکانم
شەنگاڵیان بە بەهەشت بینی
گەر خۆم لە چاوەڕوانی سێدارە نەوەستام
ئەوە بەڵێنی بێ
بیرێکیش
لە تەقەینەوەکانی تاران و بەغدا و دمێشق و ئەنقەرە ئەکەمەوە.

رێبوار

کیژی نوێ...